Rufus

Previous Next

Mae Rufus yn declyn sy'n helpu i fformatio a chreu gyriannau fflach USB cychwynadwy fel allweddi USB/gyriannau cof, coeon bach, ac ati.

Gall fod yn arbennig o ddefnyddiol ar gyfer achosion lle:

• mae angen i chi greu cyfryngau gosod USB o ISOau cychwynadwy (Windows, Linux, UEFI, ac ati)
• mae angen i chi weithio ar system sydd heb system weithredu wedi'i gosod
• mae angen i chi fflachio BIOS neu galedwar arall o DOS
• rydych chi eisiau rhedeg teclyn lefel isel

Er ei fod yn fychan, mae Rufus yn darparu popeth sydd ei angen arnoch chi!

Mae rhestr anghyflawn o ISOau sy'n cael ei cefnogi gan Rufus ar waelod y dudalen hon hefyd. ⁽¹⁾

Llwytho i lawr

Fersiynnau diweddaraf:

Fersiynau eraill (GitHub)
Fersiynau eraill (dAppCDN)

Gofynion System:

Windows 8 neu'n hwyrach. Ar ôl ei lwytho i lawr, mae'r rhaglen yn barod i'w defnyddio.

Ieithoedd sy'n cael eu Cefnogi:

Hoffwn fanteisio ar y cyfle hwn i fynegi fy niolchgarwch i'r cyfieithwyr wnaeth hi'n bosibl i Rufus, yn ogystal â'r dudalen we hon, gael eu cyfieithu i wahanol ieithoedd. Os byddwch chi'n profi eich bod chi'n gallu defnyddio Rufus yn eich iaith eich hun, dylech chi ddiolch yn fawr iddyn nhw!

Defnydd

Llwythwch y ffeil weithredadwy i lawr a'i rhedeg – does dim angen ei gosod.

Mae'r ffeil weithredadwy wedi'i llofnodi'n ddigidol a dylai'r llofnod ddatgan:

• "Akeo Consulting" (v1.3.0 neu'n ddiweddarach)
• "Pete Batard - Open Source Developer" (v1.2.0 neu'n gynharach)

Nodiadau ar gefnogaeth DOS:

Os ydych chi'n creu gyriant cychwynadwy DOS ac yn defnyddio bysellfwrdd nad yw'n un o'r Unol Daleithiau, bydd Rufus yn ceisio dewis cynllun bysellfwrdd yn ôl lleoliad eich system.

Nodiadau ar Gymorth ISO:

Mae pob fersiwn o Rufus ers v1.1.0 yn caniatáu creu USB cychwynadwy o ddelwedd ISO (.iso).

Mae creu delwedd ISO o ddisg gorfforol neu o set o ffeiliau yn hawdd iawn i'w wneud fodd bynnag, trwy ddefnyddio rhaglen llosgi CD, fel InfraRecorder neu CDBurnerXP sydd ar gael am ddim.

Cwestiynau Cyffredin

Mae Cwestiynau Cyffredin Rufus ar gael YMA.

I roi adborth, rhoi gwybod am wall neu ofyn am welliant, defnyddiwch traciwr materion GitHub. Neu gallwch anfon e-bost .

Trwydded

Trwydded Gyhoeddus Gyffredinol GNU (GPL) fersiwn 3 neu'n ddiweddarach.
Rydych chi'n rhydd i ddosbarthu, addasu neu hyd yn oed werthu'r feddalwedd, cyn belled â'ch bod chi'n parchu'r drwydded GPLv3.

Mae Rufus yn cael ei gynhyrchu mewn modd 100% tryloyw, o'i ffynhonnell gyhoeddus, gan ddefnyddio amgylchedd MinGW32 .

Cofnod Newid

• Fersiwn 4.15 (2026.06.30)
  • Add RISC-V 64 support to UEFI:NTFS.
  • Improve the guards for using the "silent" Windows installation option.
  • Improve the ability to cancel during write retries.
  • Improve progress reporting for compressed image extraction.
  • Fix unrestricted XML entity expansion and integer overflow in ezxml parser (courtesy of Eric Sadowski).
  • Fix "silent" Windows installation failing at 75% in most cases.
  • Fix a crash during boot when using UEFI:NTFS on Snapdragon X based ARM64 platforms.
  • Fix first WUE option always being checked by default.
  • Fix an infinite loop when using Windows ISOs that contain multiple WIMs.
  • Fix "Enable runtime UEFI media validation" checkbox not always being properly enabled.
  • Other WUE improvements/fixes for OneDrive removal and username validation (with thanks to @christian8641).


• Fersiynau eraill

Cod Ffynhonnell

• Rufus 4.15 (7.5 MB)
• Fel arall, gallwch glonio'r storfa git gan ddefnyddio:

  $ git clone https://github.com/pbatard/rufus

• Am ragor o wybodaeth, ewch i'r project GitHub .

Os ydych chi'n ddatblygwr, rydym yn eich annog i chwarae gyda Rufus a chyflwyno gwelliannau.

Rhoddion

Gan fy mod yn cael fy holi am hyn yn rheolaidd, does dim botwm rhoi ar y dudalen hon.

Y prif reswm yw fy mod i'n teimlo nad yw'r system rhoi mewn gwirionedd yn helpu datblygu meddalwedd ac yn waeth byth, gall achosi i ddefnyddwyr sy'n dewis peidio â rhoi deimlo'n euog.

Os ydych chi wir yn mynnu, gallwch chi bob amser wneud cyfraniad i'r Free Software Foundation , gan mai nhw yw'r prif reswm pam mae meddalwedd fel Rufus yn bosibl.

Beth bynnag, byddaf yn manteisio ar y cyfle hwn i ddiolch i chi am eich cefnogaeth a'ch brwdfrydedd parhaus am y rhaglen fach hon: mae'n cael ei werthfawrogi'n fawr!

Ond cofiwch i barhau i ddefnyddio Rufus heb unrhyw euogrwydd am beidio â chyfrannu ato'n ariannol - dylech chi byth orfod gwneud hynny!

(1) Rhestr anghyflawn o ISOau rydym yn gwybod bod Rufus yn gweithio gyda nhw